A Xunta de Confrarías e Irmandades da Semana Santa de Ferrol ven de publicar esta mesma semana un folleto informativo sobre os nacementos de Ferrol. No folleto inclúese a localización, o horario e algúns outros datos relevantes sobre cada un dos beléns, tales como a súa historia e quen esta detras da súa creación. O obxectivo principal e o de facilitar a visita do público de cada un dos nacementos das confrarías da cidade portuaria.
O documento xa foi distribuído polas oficinas de turismo, nos distintos hoteis, de Ferrol, no Concello, no Museo da Semana Santa e nos propios beléns da cidade.
Desta maneira, preténdese consolidar a tradición belenista de Ferrol. Xa están abertos os nacementos das confrarías das Angustias, o da Mercé e o da Soidade, así como o da Orde Terceira de Alfredo Martín. É un dos de maior relevancia de toda Galicia, que abre ata o vindeiro 6 de xaneiro.
Na confraría da Soidade, que estará aberta ata o 6 de xaneiro, venderanse artigos de Nadal con fins solidarios, recolleranse alimentos non perecedoiros e ademais existe unha «Caixa do Correo Real» para que os nenos e nenas poidan botar as cartas, ademais doutras sorpresas como o recuncho dos avos. En último lugar, está prevista ao mesmo tempo a apertura do belén da confraría de Dolores o para o 16 de decembro. No mesmo local recolleranse roupa e xoguetes para a OJE.