Abundan os centros educativos e chegan visitantes, tamén, de fóra de Galicia
17 dic 2022 . Actualizado a las 13:46 h.Centros educativos, centros de día e asociacións e excursionistas de distintas localidades galegas e incluso de fóra da comunidade estrearon esta semana as visitas concertadas ao Belén Artesanal en Movemento de Valga. Rexistráronse case uns vinte grupos fóra do horario habitual de apertura do nacemento, que esta fin de semana volverá a vivir unhas xornadas multitudinarias. Esa fin de semana estaba prevista a chegada de numerosos autobuses con excursionistas e, ademais, celebrarase a tómbola solidaria a beneficio da Asociación española contra o cancro.
As visitas de centros de ensinanza inaugurounas o CRA de Valga seguidas das do CPI Santa Baia de Boiro, o IES A Xunqueira de Pontevedra e colexio Juan Sebastián Elcano.
Tamén houbo grupos de centros de día de Cuntis, Moraña ou Vilagarcía, do programa DepoTermal, Andaina Pro Saúde Mental e excursións procedentes de Ourense e Oviedo, entre outros puntos.
O nacemento permanecerá aberto ao público de xeito gratuíto ata o 8 de xaneiro. Para concertar visitas fóra do horario habitual do belén poden concertarse a través do número de teléfono 630 95 25 15.
